《The Ladies In Red》音樂會下月舉行 雷深如興奮:我哋可以好強大 (19:19)

文章日期:2022年06月27日

近年香港樂壇回復熱鬧,當中不少女音樂人,不僅可以兼顧不同崗位,而且更能獨當一面。8組音樂單位雷深如(J.Arie)、章尾而(Jamie)、FIESTER、鍾楚翹(CHOR)、Anna hisbbuR、陳嘉(CHANKA)、iii和WHIZZ,分別於7月19日及20日假旺角麥花臣場館舉行《The Ladies In Red》音樂會。

對於今次連續兩日全女班舉行音樂會,J.Arie說:「我腦內一直都想有呢件事出現,依家終於發生,依家女性比以前更夠膽做一啲out of外界認知佢範疇嘅嘢,例如女生音樂,唔只限於情歌,唔一定楚楚可憐,扮演受害者嘅角色,我哋都可以好強大,去追求自己覺得啱嘅嘢。我哋8個單位,各自都有好鮮明嘅direction(方向),就以band為例,以往女仔band香港好少,但依家有好多,好似我哋今次就有FIESTER同WHIZZ,係一個好開心嘅局面,所以我都好想演出後,留低睇埋個騷。」

Jamie則說:「我本身唔在乎人哋對我嘅批評或者眼光,但如果嗰樣嘢對我好,我會吸收、攝取,但純粹只為發泄,我就會bye bye!」WHIZZ的主音王雨山則希望在台下時做回自己:「如果係表演就會好在乎,所以會預備自己做到最好,如果平時出街或交流,我就唔係好理人哋點睇,因為我覺得只有表演嘅時候你先需要focus到我身上,但日常生活想做番自己。」

(即時娛樂)