黃妍挑戰粵劇基本功 秒懂丹田運氣 被羅家英畫丑角妝容 (18:50)

文章日期:2022年06月30日

唱作女歌手黃妍向來以文青形象示人,但在唱片公司同事眼中,她在歌唱事業上仍有更多可塑性,所以安排她參與《一日妍究生》短片拍攝,學習不同的新技能。首個任務是黃妍要按照嘉賓羅家英教導,完成多個粵劇基本功訓練,可惜她未能成功完成任務,遭家英哥大懲罰畫上粵劇丑角妝容,分享拍攝後感時,更要以此造型示人。

今次出動家英哥參與拍攝,教授黃妍在粵劇上運氣、造手、眼神上要點,她坦言「學到嘢」:「最學到係運氣,因為家英哥教我吸啖氣,落到丹田底時,點樣再隊番啖氣出嚟,我哋拍攝時有test,用吹氣球測試係咪做到,點知我真係做到,唔用佢個方法,同用佢個方法,就係吹唔吹到嘅分別,呢個係幾勁。」

黃妍起初用盡九牛二虎之力,也未能吹大氣球,但家英哥教路後,她一下子就成功,在場工作人員也由取笑她,變成為她歡呼。

除了運氣,家英哥亦有教導黃妍粵劇造手,之後更要她嘗試以歌曲《天光前》,配合造手演唱一段,黃妍試過後才發現粵劇高難度,她說:「我平日睇粵劇造手,以為只需要放輕去做,但家英哥教路原來要用力,用到去手指尖,我真係唔知。」

難得請到家英哥,黃妍也爭取機會向對方發問,結果在鏡頭前不斷離題,並說:「因為想知多啲關於粵劇嘅嘢,同埋佢以前點樣學戲,排練過程學習過程係點,喺鏡頭後我都不斷問佢嘢。家英哥好好,好有耐性解釋畀我聽,拍攝當日就好似上咗一堂中國戲曲堂,仲知道佢平時點樣養聲,warm up自己聲線嘅方法。」

經過這次偷師,黃妍坦言對日後演出有幫助,她說:「我哋即場有test,要望住鏡頭去唱新歌,開頭真係好尷尬,但之後克服到少少,呢個係有用。另外練氣方法,之後可以繼續去做,我都學緊唱歌,但原來又唔同,粵劇界練氣同我平日開聲嘅方法都好唔同,可以雙管齊下。」

首度與家英哥合作的黃妍表示,感恩有這次的機會,也感謝家英哥對住她這位每事問的後輩,仍有耐性逐一回答。雖然與家英哥合作愉快,但嚴格的家英哥未有讓黃妍順利過關,在她臉上畫上丑角妝容,漫畫感極重。

(即時娛樂)