肥媽確診6日快測變回1條線︰ 終於捱過了 (16:42)

文章日期:2022年07月01日

68歲肥媽(Maria Cordero)上月24日在社交平台自爆染疫,出現頭痛、發燒和咳嗽症狀,26日時再拍片稱雖仍然狂咳及氣喘,但自覺已好轉了不少。她昨天(30日)再更新社交網並留言︰「終於嚟到Day 6 ,今日好好多了,同埋終於見到一線了,終於捱過了。呢段時間多謝好多朋友,家人的關心同照顧,又送湯,又送唔同物資嚟俾我,呢個真係我的福氣,仲有特別多謝粉絲們,多謝你哋幫我打氣同鼓勵,我會加油,好快好番。」

片段中的肥媽精神和面色也好了很多,連講3分半鐘也沒有咳嗽。她表示生病這段日子天天困在家,每天都在想吃什麼、煲什麼湯,其間收到不少朋友的問候和湯水。肥媽自覺令家人、朋友擔心,感謝大家對她的關心。她說︰「真係要好多謝,所以人點可以冇朋友,真係好多謝所有嘅親戚朋友,唔識我嘅都寄啲秘方畀我。我就話唔好意思,我真係好番啦,好多謝,真係好多謝﹗好多人關心我,做人可以得到咁多人關心,係我嘅福氣!」

肥媽坦言已很久沒生病,加上已不年輕,一病就覺得很辛苦。她表示最辛苦是唞氣唔順,想咳又咳不到,感覺天旋地轉。她不忘繼續呼籲大家接種新冠疫苗︰「年紀大更加要打針,我覺得好彩我哋係打咗針,所以初初啲人唔打針係幾咁危險!」

(即時娛樂)