肥媽新冠肺炎康復 出關開工中氣十足 呻家中隔離悶到死 (18:35)

文章日期:2022年07月07日

68歲肥媽(Maria Cordero)上月24日在社交平台自爆染疫,出現頭痛、發燒、咳嗽及氣喘症狀。雖然她頭兩天非常辛苦,但第6日的快速測試結果已變成一條線,拍片時連講3分半鐘說話也沒有咳嗽,康復速度快。肥媽日前(5日)正式出關開工,她對住鏡頭大叫:「嘩,放監呀今日,起碼今日可以開工!嘩!辛苦到呀,困住喺屋企嗰兩個禮拜想死!」

肥媽透露在家隔離的這兩星期,她除了將全屋上下及所有物品消毒,還天天煮飯、執屋。她說︰「呢兩個禮拜係我人生中最悶嘅假期,悶到死!最初不敢出去,連啲狗都唔見得。到一條線啦,又話唔好行出街先。啲狗都陪我一齊『坐監』,呢兩個禮拜未出過街。」肥媽表示連好友黑妹(李麗霞)也被迫留在家「隔離」︰「因為個個見到我就見到佢,我中啫,佢都唔敢見人,啲人唔敢見佢呀!」黑妹透露她這兩個星期在家中行來行去。

肥媽自言最近的防疫意識的確是鬆懈了︰「以前人哋一埋嚟,我哋食嘢都即刻戴口罩,最近真係鬆咗。我真係嗰廿分鐘,人哋埋嚟傾咗一陣間咋嘛。真係㗎,我哋自己人就唔戴口罩,總之人哋一埋嚟同你傾偈,記得戴口罩,尤其是依家好多人喺外國返嚟。冇辦法㗎啦,嚟緊7月、8月、9月都會好上升。唔好諗住中咗、打咗針就唔會中,中都冇所謂,我初初驚呀,未中過嘛,你明唔明呀,好鬼驚㗎嘛!因為有打針呢,所以我哋冇事,OK嘅。」

(即時娛樂)