韓君婷離港赴英 照顧年邁父親:佢眼矇同雙腳冇力 (22:20)

文章日期:2022年07月07日

梁思浩昨天(6日)在社交網貼出跟韓君婷和李思蓓的合照,他透露君婷離港到英國生活,並祝她一切順利,又叫她記住在英國拍片。

原來今次君婷離港赴英,是要照顧年邁父親,安頓好老父後便會回港。她在YouTube頻道解釋是次赴英原因:「我加入呢個團隊多過1年,呢1年好開心,你哋都係我家人,近排我有啲事,要直接同你哋分享,因為同村長(梁思浩)請咗假,我冇同任何傳媒講。

我爸爸年紀幾老,佢一個人喺英國,因為佢對眼好矇同埋雙腳冇力,所以我同村長請假,返去睇睇佢情况,安頓吓佢。

村長搵咗個人代替我位置先,但麻煩大家吼實佢,唔好畀新嘅人代替咗我,因為我好快搞掂爸爸嘅事情同埋佢嘅身體狀况之後,我就返嚟香港,大家𥄫實村長,唔好畀佢講我壞話,又或者新嗰個人講我壞話,記得要通知我,同埋我都會上嚟留言區突擊檢查,希望疫情措施放寛後,好快返港見大家,你哋唔使擔心,我處理得到。」

(即時娛樂)