家中餐枱長期擺放善款盒 余迪偉:隨緣樂助 福有攸歸 (22:42)

文章日期:2022年07月15日

余迪偉平日在商台節目《口水多過浪花》、網上節目《三叔公園》或ViuTV《又要威 又要戴頭盔》經常分享生活感受,於社交平台以文字表達又是另一種感覺,今日「迪迪的Diary」便提到做「善事」。迪偉稱在親朋好友口中他的家是Party House,因為他喜歡熱鬧,故高朋滿座。在兩三年前,某一晚,他如常大宴親朋,食飯又飲酒,席間有新朋友加入並提議夾錢。迪偉婉拒收錢但新朋友們堅持要放低錢,他突然靈機一觸,提議將錢捐出,大家也同意。

當晚迪偉在家中找到一個日本製作漆木盒放在餐枱,將朋友畀的錢放在盒內,隨後這個漆木盒長期放在餐枱,誰到他家作客,食飯飲嘢後可以捐錢,唔捐都冇所謂,隨緣樂助。迪偉會告訴朋友這筆錢會捐某某機構。他說:「我好開心做咗呢件事,朋友又感覺良好,某程度上,開心完一晚之後,又可以為佢哋祈福,善有善報,福有攸歸吖嘛!」不過,有人對迪偉這條橋質疑,因為不喜歡迪偉揀選捐款的慈善機構。

迪偉說:「我話冇所謂,唔捐咪唔捐囉,話到明隨緣樂助,冇人逼你,你唔會下次冇得再嚟㗎,下次你再嚟嗰時,到時轉左另一個機構,咁你感覺舒服,咪到時鍾意先捐囉⋯⋯」事後他跟朋友討論到訪的賓客是否有權選擇想捐錢的機構,原本構思可以選擇捐助不同機構,迪偉也答應。不過,翌日他酒醒才覺得不妥當,說:「咁我張餐枱,咪要有好多個盒,仲邊有地方食飯啊!你哋如果咁鍾意你哋想捐錢俾嗰個特定嘅機構,咁咪自己去捐囉,呢個場,係我㗎,我可以話事㗎,你要捐,我代我選擇嗰個機構多謝你,你唔捐,其實冇人會怪你㗎!」最後他說:「善心應該係宏大嘅,你有善心,咁應該對我嘅選擇都要有善心。」迪偉獲不少粉絲留言支持,又讚他有善心。

(即時娛樂)