無綫劇集《回歸》昨晚一集播出區家謙（吳偉豪飾）及安若彤（游嘉欣飾）的「牀戲」，兩人拍攝時雖然只是簡單的攬攬抱抱，已經非常尷尬。
吳偉豪拍攝與女方跌坐牀上的場面時，短短幾秒已臉紅。他事後表示︰「始終第一次拍啲咁親密嘅戲，我唔係好易臉紅，但喺一班20幾人嘅劇組面前同一個異性有親密嘅接觸，好難唔尷尬。」吳偉豪笑言看劇本時才知道自己有除衫戲︰「我當堂嚇一跳，然後得啖笑。好彩我平時都有做吓運動同喼弗，拍嗰日再臨急抱佛腳做吓掌上壓。」
游嘉欣則說︰「我同吳偉豪開工冇耐就要拍呢場戲，我哋之前冇乜接觸過，所以真係幾尷尬。不過，我哋拍呢場戲時已經夜深，所以就算頭幾Take有啲怕醜，去到後面已經攰到唔識得怕醜。我喺場戲入面要孭住吳偉豪行，再將佢撻落梳化，我真係用盡全身嘅力先可以將佢撻到落去，實在太重喇﹗」
