MIRROR演唱會明晚開鑼 柳應廷紅館內巨型海報前打卡 (17:12)

文章日期:2022年07月24日

人氣男團MIRROR的12場紅館演唱會明晚(25日)開鑼,12子昨天已到紅館作最後綵排。柳應廷(Jer)昨天在社交平台上載其後台證照片,他又跑到場內走廊位,在其海報面前打卡合照留念。江𤒹生(Anson Kong)則說︰「如果有多張飛,你會唔會同我去睇演唱會?最後一天,各單位繼續一齊加油。每次去到呢個時候先會發現睡眠嘅重要。」

MakerVille行政總裁魯庭暉上載身在紅館內的照片,他說︰「去看綵排,看了一會,花姐趕我入後台,佢話:呢part無咩嘢㗎,我哋試吓啲technical嘢㗎咋,你入後台同佢哋傾吓偈啦。唓,唔想俾我睇咪唔睇囉,聽日full run咪一樣睇到!入後台傾偈囉。傾啲乜就唔講啦,咁就梗係有啲好無聊嘅,又有啲好認真嘅咁,咩都吹下。其實雖然久唔久都會同佢地傾偈,但係喺一個大騷嘅後台傾偈又會有唔同嘅感覺。點講好呢。平時嘅傾偈當然都係好重要嘅溝通啦,而喺後台呢,就好似考會考之前嗰日喺自修室,讀到悶悶哋,又開始有少少緊張,跟住同同學吹下水嗰種感覺。傾嘅時候,會有一種....一起看將來嘅感覺。傾偈,其實很重要。每個人都係自己生命嘅主角,係,有好多人好努力咁幫緊佢哋,但係,主角係佢哋,佢哋不斷成長,自然有好多唔同嘅想法idea同感覺,我哋喺佢哋身邊,需要嘅係理解佢哋想寫一個咩故事,然後盡力幫佢哋,一齊成就呢個屬於佢哋12個嘅故事。很難,很辛苦,很值得。」

(即時娛樂)