Hip Hop頒獎禮取消張天賦任嘉賓 Phat:係你哋嘅損失 (17:46)

文章日期:2022年07月24日

香港第一個Hip Hop音樂頒獎典禮「Whats Good Music Awards 」8月6日於會展舉行, 連日大會公布演出嘉賓,昨日名單上的張天賦(MC)惹非議,有歌迷揚言要罷睇。同日籌備委員會發聲明,取消有關表演環節。

聲明如下:

「Whats Good Music Awards 大會在今日(23日)較早時間發布了《MC張天賦為特別演出單位》之公告,及後收到了不同歌迷的眾多熱烈意見,大會就這次事件有以下回應:

我們原本於頒獎典禮當晚設計了很多不同類型的表演環節,其中包括多位HipHop Artists與多位Pop Singers的Crossover聯乘同台演出,就這環節設計我們事前已經邀請了不同的Rappers參與意見及演出,亦得到他們的同意參與其中。大家目標一致,只希望創造出有嶄新交流及合作的演出舞台呈現給大家當晚欣賞。當然我們亦明白到引起了樂迷聲音的由來,我們衷心理解。因此,我們與有關唱片公司協商後,大會決定刪減這次聯乘演出環節的部份。

最後我們想強調的是,其實現今樂壇已經沒有主流或非主流或地上下之分,Everybody Can Stand Up !我們亦不會退縮,任何人只要做好音樂,都一樣可以得到大眾的欣賞和尊重,Peace!」

頒獎禮創辦人Phat(陳偉雄)拍攝片段親自解釋,他說由於公布MC張天賦作為Whats Good其中一位表演嘉賓,大家反應好強烈。他說:「我哋睇到嘅,我講返我嘅想法,我哋想多啲不同元素的音樂、好嘅人同香港廣東話HipHop加埋一齊,我淨喺咁樣諗!我希望將多啲好音樂畀大家聽,我諗唔到你哋會有咁大反應,我哋決定取消呢個環節了。係!我係失望的,我本係諗住將一啲好嘅音樂同廣東話HipHop加埋一齊,可以有一個新境界。但事與願違,我覺得呢樣嘢係你哋嘅損失。我想將好嘅嘢加埋一齊令件事發得大啲... ...」

對取消主流歌手跟HipHop Artists的聯乘表演也引網民議論,有指張天賦到場表演只是玩一、兩首歌,不會成為主角但可以引起更多人留意這頒獎禮  ; 亦有網民指若香港的主流歌手邀Rapper任演唱會嘉賓,相信觀眾不會反對,要脅罷睇。有網民給主辦單位留言:「為咗本身支持開自己嘅人反對,就將成個環節取消,咁又點樣一齊玩呢?連自己個信念都唔堅持落去... ...」

(即時娛樂)