羅冠蘭讚謙虛冇架子 譚俊彥︰仲有好多嘢要學 (18:22)

文章日期:2022年07月27日

譚俊彥日前聯同前香港演藝學院副教授羅冠蘭,為本年度無綫藝員訓練班擔任客席講師,與來自香港、內地及馬來西亞的學員分享演戲心得。譚俊彥傳授演喊戲心得︰「我會用(演戲時)對手畀我嘅刺激,我會望住我嘅對手、利用空氣嘅流通你先放鬆到,慢慢你就Feel到對眼Hold唔住啲眼淚......其實你覺得自己好多眼淚咩?鏡頭上睇唔到,所以控制住唔好講嘢,到最後先望住對手講對白。」譚俊彥一邊說一邊眼泛淚光,睇到一眾學員驚嘆兼拍掌。

兩人事後接受無綫娛樂新聞台訪問,羅冠蘭對譚俊彥讚口不絕︰「佢對初心堅持、對熱愛表演嘅尊重,令我覺得好感動,所以我好惜佢。」提起譚俊彥年初憑劇集《換命真相》連奪視帝及「馬來西亞最喜愛TVB男主角」,羅冠蘭說︰「他至今仍保持謙卑性格,相信有啲人唔係特登,但好易會『浮(囂張)』咗,但我從來冇感覺過佢驕傲。」譚俊彥聞言說︰「我未成功㗎!我未成功㗎!我要繼續努力,好多地方都可以做得好啲,仲有好多嘢要學。」談到於演藝學院執教多年,羅冠蘭自認是「嚴師」,故對藝訓班學員甚有要求。

(即時娛樂)