陳慧嫻加盟英皇娛樂 盼與李克勤容祖兒合作 (14:45)

文章日期:2022年07月28日

陳慧嫻趁今天(28日)57歲生日宣布加盟英皇娛樂,期待跟李克勤、容祖兒合作。她說︰「唔係淨係合唱,係合作喎。我同克勤以前同一間公司,已認識多年,但從來冇機會合作,希望可以同佢搞吓啲花臣啦﹗我同祖兒亦認識好耐,希望可以同呢位新生代合作。對我嚟講,祖兒係新生代嚟㗎。」談到「轉會費」,慧嫻笑言︰「數字就唔講啦,總之就開心滿意啦﹗我今年嘅生日願望係希望身邊所有人、屋企人、所有愛我嘅人同我愛嘅人、同埋我個『女』mou mou都身體健康,身體健康就開心㗎啦,人最緊要開心。」

眾英皇藝人對慧嫻加盟十分雀躍,趁機問她不少問題。經理人Mani問:「可唔可以講個爛Gag?」慧嫻腦筋急轉彎︰「A至Z 26個英文字母,ET走咗,咁剩番幾多個英文字母呢?答案係21個,因為ET坐UFO走。」關智斌(Kenny)想跟慧嫻玩Wakesurf,慧嫻爽快答應,但要Kenny先教識她游泳。克勤問慧嫻希望公司可以帶給她什麼?慧嫻說:「希望可以令到我有更加多人生經驗,學到多啲嘢啦。」她透露加盟新公司後一定會找個合適時間舉行演唱會。

(即時娛樂)