陳貝兒憶小時候與梅艷芳張國榮紅館後台相處點滴 (17:13)

文章日期:2022年07月31日

陳貝兒的父親是著名音樂會監製陳永鎬,她自小已與紅星為伴,經常在紅館「放暑假」。她接受港台《舊日的足跡》訪問時回憶小時候常在紅館後台做暑期作業︰「我覺得天王巨星好親切,佢哋喺台上發光發亮,台下就好似大哥哥大姐姐。梅姐(梅艷芳)最鍾意帶我入佢嘅化妝室,幫我戴上佢啲頭飾,嗰啲森巴舞嘅頭飾好靚。譚詠麟請我食好多嘢,而哥哥張國榮就最鍾意拖住我哋去食宵夜。不過,我從來冇諗過要去紅館開騷做歌手,有人想提名我參選香港小姐,但我最有興趣嘅都係做司儀。入行之後我未做過香港小姐司儀,但做過香港先生司儀,嗰次我同Do姐(鄭裕玲)、楊千嬅合作,見到好多型男仲開心。」

陳貝兒曾與汪明荃(阿姐)、鄭裕玲多次合作,最欣賞兩位前輩非常認真專業,從她們身上學到很多。「佢哋做咗咁耐,瞌埋眼都知道點做,但係佢哋嗰份熱情同投入就好似初入行一樣。佢哋會將台詞背到滾瓜爛熟,連我嗰份都背埋,根本唔使要稿;台前嘅形象更係聲色藝俱全,連指甲油都要襯晒套衫,呢樣我真係學到嘢。佢哋屹立不倒咁多年,我真係由衷佩服。」陳貝兒指阿姐很疼她,因為錄影廠特別冷,做司儀穿的晚裝又單薄,阿姐常提醒她要貼暖包以免着涼,還細心地教她貼在最適當位置,既保暖又纖巧不顯眼。她坦言好喜歡阿姐,而且愈來愈喜歡!陳貝兒也敬佩Do姐工作認真,笑指會請教對方養生之道,因為Do姐生活有規律,常處於巔峰狀態。

對於因拍攝紀錄片獲得不同獎項,陳貝兒感恩獲此寶貴機會,讓她經常飛往異地開闊眼界,更自覺是個幸運女孩。她坦言工作非常辛苦,被問及會否渴望遇上心儀男子時說:「真係要隨緣,我都相信緣分。依家我好積極咁去面對眼前嘅工作同生活,珍惜身邊所有屋企人、朋友,其實最重要嘅就係開心自在。」

(即時娛樂)