喜獲鄭中基獻唱《Vincent》 谷德昭感幸運:甜蜜友誼 (20:01)

文章日期:2022年07月31日

谷德昭(谷導/Vincent)主持的ViuTV節目《爆谷一周》,昨晚(30日)播出一集邀來好友鄭中基擔任嘉賓,2人不在錄影廠做節目,反而遊車河一齊傾心事。谷導在Instagram貼了多張和中基的合照,當中包括2人拍戲時的花絮照,他表示中基是他事業上親密戰友,同時亦是知己好友,2人擁有美麗的友誼。

谷導還寫道:「係咪未見過Ronald(鄭中基)咁正經的一面,係呀,講到音樂,佢真係好正經,佢係讀音樂同真心鍾意音樂,好肯教又有資格教,有興趣就多啲去機動電視台聽佢分享唱歌心得。我真幸運,有得聽佢現場唱《Vincent》俾我聽,甜蜜的友誼。

您睇過《龍咁威》未?睇過《爆谷一周》中的《警訊》重演,有冇興趣搵番嚟睇睇?若您喜歡無聊,其實龍威很美。2003年拍《龍咁威》,就是為了打破悶局,香港被沙士迎頭打了一拳,與其悶在家中,不如開工抗疫。今天同樣鬱悶,未有新《龍咁威》睇,唔該睇住舊嗰兩套頂住先。

多謝《爆谷》團隊,咁樣通街躝拍攝其實煩過安坐廠中好多,但出嚟效果真係冇咁侷促,大家可以唞唞氣,抵讚!感謝機動電視台團隊協助拍攝,將Ronald養到肥肥白白,得人鍾意。」

(即時娛樂)

RELATED