MIRROR上月尾的紅館演唱會發生嚴重墜屏意外，壓傷兩名舞者，當中的李啟言（阿Mo）目前仍然留醫。政府的調查小組昨天（24日）再披露調查進展，指肇事鋼纜承受力量比同類鋼纜承重力少，而鋼纜機關上的護繩器設計與一般有異，涉事的LED屏幕實際重量亦與申報有異，引致鋼纜出現金屬疲勞。
MIRROR演唱會的舞蹈員之一、曾參加《全民造星IV》的方芷欣（方方），在社交平台就昨天公開的部分調查進展發聲。她怒斥︰「先唔講前期計算錯誤問題， Day 3有重新安全檢查，咁嚴重嘅損耗唔知？檢查咩？護繩器唔係護住條威吔，又夾住又磨損，安檢又睇唔到？帶班友嚟巡一圈又收工？金屬疲勞，真係意外？連安裝同原件都有問題，加埋舞台效果，吊上吊落又識轉又剩，邊個話ok可以咁樣用？個mon嘅使用程度又係邊個決定？開個show，主辦/承建商連機械嘅安全情况都可以唔知，即係掉我哋幾十個表演者上台每晚同你搵命博一鋪？罪孽深重，唔係一句我唔知唔關我事就得，正正就係，點解你會唔知？」
