何雁詩（Stephanie）與丈夫鄭俊弘的兒子Asher Douglas就快3個月大，兩人一直分工合作照顧兒子，就連他們的愛犬「huphup」也有幫忙。Stephanie在社交平台分享多張huphup守在Asher附近的照片，稱向來害怕小朋友的huphup很愛惜Asher。
她說︰「話說huphup一直都驚小朋友，所以喺我懷孕時候都好怕佢會唔開心。點知喺BB出世之後，佢係出乎意料地愛惜BB。嗰種愛惜唔係成日要同佢玩嗰種，而係默默地陪住佢嗰隻。嗰日我負責睇住BB，爸爸喺房休息緊，喺我去咗洗手間時候BB甩咗奶嘴仔喺到喊，huphup就即刻入房吠爸爸叫佢幫拖。喺屋企多咗一位新成員期間，更加需要俾多啲Attention屋企愛寵，因為呢個轉變相信對於佢哋嚟講都唔容易。」
