好聲好戲2|蘇韻姿姣爆聲演再獲滿分 汪明荃激讚無可挑剔 (17:38)

文章日期:2022年09月01日

無綫節目《好聲好戲》第二季,首周出賽藝人包括蘇韻姿、戴耀明、姜麗文及袁偉豪。主席評判有汪明荃(阿姐)、金牌監製潘嘉德及專業配音員林國雄。

昨晚(8月31日)進入第三回合「拍檔聲演」環節,連贏兩回合的蘇韻(Andrea),邀來第一任熒幕男友阮政峰,穿上古裝挑戰《王老虎搶親》,Andrea聲演為了生仔而施展渾身解數,色誘老公錢嘉樂的蘇玉華,一開聲嗲爆叫「老公」,完美還原蘇玉華姣爆神韻,加上神倒模嘉樂仔聲線神態的阮政峰神助攻,再度獲得11盞綠燈滿分,該劇監製潘嘉德大讚:「好放!姣樣做得好好,嬲起上嚟變咗男人婆同蘇玉華嘅表情好Match。」

汪明荃睇得好開心:「本來要注意嘅地方都無可挑剔!」現場評判更七嘴八舌爭著大讚阮政峰與錢嘉樂Perfect Match:「唔止聲似、語韻都好似」、「搵得好好呢個Partner。」Andrea眼泛淚光感激阮政峰:「好開心搵到佢,佢真係好似。」Andrea的超水準演出,獲網民留言大讚。

姜麗文(Lesley)邀來同樣「鬼聲鬼氣」的張曦雯,聲演《龍兄鼠弟》中的讓愛場口,Lesley除了神還原陳法蓉劇中造型,就連陳法蓉的獨特尾音亦學到足,最終獲得 10盞綠燈,兼令出名要求高的評判之一黃鳳英大讚:「配得好好,進步咗好多,我入咗戲!」另一評判龍天生則說:「啲尾(位)食得好應」,阿姐也說:「睇得出你好努力。」

明仔則邀來何依婷聲演《西關大少》,與佘詩曼隔空談情;在「新舊君好」加持下,配以中分假髮的「偽張智霖」造型,明仔贏得8盞綠燈,天生哥大讚他成功搣甩「小明腔」,可惜卻被與阿佘聲線猶如孖生姊妹的依婷搶去不少風頭,宋宛穎說:「Regina太似阿佘!」

(即時娛樂)