郭偉亮（Eric Kwok）、方力申、陳欣茵及胡美貽主持的J2台節目《鋪鋪Poker》今晚（3日）播出最新一集，主角是Eric Kwok的Poker之友蘇永康。兩人一碰頭即大講Poker奇聞，蘇永康又大爆Eric Kwok是出名的「Poker翻身王」。他說︰「佢得番200蚊碼都可以翻到身，佢試過好多次。我就笈手A都可以輸。」蘇永康自言欠耐性兼輸唔起，不太適宜玩Poker。他說︰「輸幾百蚊都冇乜事嘅，輸幾千蚊我會好嬲，但我買件1000蚊衫完全冇問題。」方力申踢爆他︰「嗰啲仲要著喺底，得個領邊。」
不過，蘇永康坦言面對小朋友時不可以沒耐性，否則只會無命。他自認嚴父，透露和太太早已約法三章，不會在對方教仔時出手干預。蘇永康又透露兒子蘇展弘（Jazz）愛模仿他說話，方力申聞言驚訝地問︰「你句句都有粗口㗎喎？我入咗行之後，圈入面講粗口最好聽嘅就係阿公（蘇永康）。」蘇永康又在節目中透露當年在好友張衛健指示下，邀請方力申做自己拍攝游水戲時的替身。
