李璨琛（Sam）和老婆梁志瑩的4歲囡囡李元元（Lucy），前晚（4日）欣賞完MC張天賦和洪嘉豪演唱會後，昨天（5日）便第一天返學上K2，Lucy媽媽爆料指囡囡揀了「一滴汗」髮夾上學，十分搞笑。
Lucy媽媽寫道：「今（昨）晚食飯嘅時候，循例都問吓佢返學有冇掛住老母。佢答得超快話有，精明老母睇穿咗佢，笑笑口咁講：你肯定冇掛住我啦，然後佢語帶相關話：媽媽呀﹗sorry呀﹗其實呢其實呢...頭先我返學嗰時...我全日呢...都真係唔記得咗你喺邊（😂😂😂）...不過呢...唔緊要㗎...其實真係冇所謂㗎...好小事㗎咋😂 #當時我想夾10個一滴汗髮夾係我個頭上面 #又好笑又想喊 #心挖了個洞 #你們知道嘛」。
