歌手梁祐嘉（Abella）宣布第2胎佗女，為丈夫湊成「好」字。她說︰「我一開始冇諗過會係女，因為我丈夫家族男性基因太強，所以一知道第二胎係囡囡嘅時候，兩公婆都好開心，完全無預計過！」
Abella早前和丈夫及3歲兒子Aiden一同拍攝懷孕寫真，現場堆滿粉紅色汽球，一家人熱切期待小妹妹的加入。談到Aiden即將成為哥哥，Abella說︰「佢會成日走過來惜我個肚一啖，睡前更加會對住我個肚話『妹妹，Sweet dream』。有時見到妹妹踢我個肚，佢都會問妹妹係咪喺個肚入面跳緊舞。」Abella笑言天真的Aiden令她哭笑不得，但看到Aiden常常說要預留一份東西給妹妹，表現出自己即將成為哥哥的意識，兩夫婦亦十分安慰，非常期待兩兄妹能好好相處、互相扶持。
「卸貨」在即，Abella心情非常緊張，慶幸有丈夫陪伴在側。 雖然女兒尚未出世，她已非常期待要為女兒扮靚︰「我最近已經上網睇緊幫囡囡紮辮嘅教學片，我仲問啲朋友想借佢哋囡囡嘅頭嚟畀我學習鬢辮，所以我老公同朋友都笑我使唔使咁快學定。」
