余香凝赴韓分享香港電影文化 被旅客拎錯行李 搞到心慌慌 (17:57)

文章日期:2022年09月28日

余香凝 (Jennifer)衝出香港殺入韓國,近日以電影《心裡美》主演身分,出席首爾舉行的《光影浪潮 香港電影新動力》活動,期間更與韓國觀眾近距離交流,讓當地人更了解香港的電影文化。

Jennifer說︰「好開心可以帶《心裡美》呢部電影畀首爾觀眾認識,現場反應好好,其中長達1小時問答環節,除咗呢部電影外,仲講到香港唔同電影文化,同埋我本人嘅事。大家都對香港電影好有興趣,好開心韓國嘅觀眾好關心香港電影,同埋好鍾意香港電影。」

因疫情近2年多沒有離開香港,今次韓國之旅Jennifer到埗後發生小插曲,裝有出席活動靚衫的行李,竟在機場「失蹤」,因與其他旅客「撞喼」而被拿錯,Jennifer笑言以前從未發生過,直言當時「唔知點算」,她笑說︰「有一個同我一樣嘅喼,喺行李帶轉咗好多次,都冇畀人拎,我哋就諗呢個喼嘅主人,應該攞錯咗我個喼,仲要當時係凌晨機,我做嘢用嘅衫喺入面,唔知點算,好彩機場職員幫到手,佢哋好快手就搵到嗰個人,係佢踏出機場之前,就幫我哋截咗佢。」

除了工作,Jennifer亦抽空到不同地方打卡影靚相及食韓燒,提到去壁畫村打卡,她笑言如置身於韓劇中,她坦言想進軍韓國市場,她說︰「當然想啦,不過要進修一下韓文,以前都有學過少少好基本韓文,雖然唔多,但係老師都讚發音好準。雖然湊女唔知幾時先得閒,咁希望有時間再進修唔同語言,可以去唔同地方拍戲,咁就最開心。」

(即時娛樂)

相關字詞﹕余香凝 心裡美 行李 韓國