李璨琛（Sam）和老婆梁志瑩造人成功，梁志瑩日前宣布再度懷孕，4歲囡囡李元元（Lucy）快做家姐。正在養胎的Lucy媽媽，繼續在社交網貼出Lucy生活片段，4歲的Lucy向來貪靚，梁志瑩將囡囡自己化妝的片段放上Ig，只見Lucy仔細地化眼妝，畫眉﹑搽眼影及畫眼線，表現甚專業，最搞笑是Lucy化完妝後口噏噏說：「bala bala bu﹗bala bala bu﹗」
梁志瑩留言笑稱：「我話俾你聽，佢做功課一定冇咁認真 #臨尾要使出魔法先為之真正化完。」有網民則寫道：「比著EE（姨姨）咁拉眼袋，肯定彈唔返上去，眼珠都甩埋落地呀 #年少多好」。
