英皇新人黎展峯（Andy）推出第二首全新廣東作品《To Go》。Andy稱這是他第一首歌《跳》的延續：「當我哋跳到去一個新嘅地方，究竟我哋要點樣去適應一個新環境呢？去搵一啲自己鍾意嘅嘢？成個過程，最重要就係心態。歌詞入面，見到好多『you never know』、『it's gonna be a long time to go』，就係叫你唔好只試一次就覺得唔適合自己，試多啲、試耐啲，你就會覺得其實係啱自己。今次隻歌最主要係想大家可以好free、好享受生活上每一樣，然之後去搵自己、適應佢。」
《To Go》是填詞人周耀輝因應Andy出道後而寫的一份詞，他說：「出道後，我要適應出幕前生活，要去搵自己嘅定位、角色、image，所以好多時都要學識適應。」推出第二首歌比第一次更加緊張，因為每一次都更有新鮮感，對新作品更加期待。今次他加入很多自己的意念，說：「好想睇吓究竟自己嘅諗法在觀眾層面上大家會唔會鍾意。」
MV方面，造型師為Andy設計了一個全新形象，他十分喜歡。他又稱場景很多紅色道具，因為視覺效果需要，其中一幕導演叫他瘋狂吃茄膏，他拎住一大罐不停吃，因為太酸而流眼水。拍攝後導演才提醒下次不用太認真大啖吃，作狀吃也可以，但Andy覺得拍攝好好玩。
