鄭俊弘（Fred）和太太何雁詩的B仔Asher今年6月出世，B仔5個多月大，兩公婆不時在社交網曬出溫馨全家福或是BB可愛照，不過大多是Asher側面或鬆郁矇的照片，並未見過正面樣。
不過適逢今天（2日）是何雁詩的30歲生日，亦是她做媽咪後首個生日，她在社交網發放一家三口慶祝照，Asher正面照亦曝光，眼大大可愛又靚仔。
何雁詩寫道：「咁就30歲啦！感覺仲係13歲，半世紀難得一遇11月打風都俾我撞到正，不過唔緊要，儘管打風落雨，但係好天氣係我心入面， 同我愛嘅人一齊過，有好多愛我嘅朋友錫我，證明無白費到我不斷提點大家今日係我生日嘅心機。
說實，真的感覺是個幸運兒，過了充滿色彩的30年，進入3字頭要好好保持初心，抱著熱情讓每一天不枉過，好好地活在當下。」
