梁詠琪明年2月舉行兩場紅館個唱 紅色漆皮外套顯霸氣 (12:49)

文章日期:2022年11月15日

梁詠琪(Gigi)闊別紅館5年,將於明年2月17、18日,再次踏上紅館舞台,舉行一連兩場《梁詠琪 時間遇上我們》演唱會。日前Gigi為個唱拍攝海報,穿上Lady Gaga、Blackpink@Jennie同樣鍾情的設計師Simone Rocha,所設計的鮮紅色漆皮外套,令平日斯文大方的Gigi,變得霸氣十足。

她笑說:「以前演唱會,總會著公主裙,但今次造型好唔同,好似著住盔甲、武士道服裝,件褸好重,但影出嚟好靚、好Powerful、好Sharp,但亦都夾雜咗好浪漫嘅Lace,好符合我今次想表達嘅主題。」

今次Gigi的個唱,以「時間」作為主軸,劃分「昨天」、「今天」、「明天」3個部分,用歌聲與樂迷分享這幾年間的成長和體會,因此演唱會取名為「時間遇上我們」。

她說:「以往會用一種慶祝方式,去打開一個演唱會,但呢幾年好多事情發生,我哋嘅舒適圈消失咗,你冇辦法改變佢,但我哋可以用呢段時間,去做一啲我哋未做過嘅事,令時間與我們重新接軌。我希望用一種比較接近劇場表演方式,配合舞台、畫面設計,帶大家一齊打開時間錦囊,去重溫我多年嘅歌。」

Gigi囡囡Sofia也熱愛唱歌、跳舞,演唱會會否母女檔上陣呢?Gigi笑說:「佢好搞笑,當佢知道我開演唱會,佢問:『咁我呢?』嚇死我,以為佢想上台,原來佢擔心要返學無得去睇,其實囡囡唔會上台啦,佢喺台下搖熒光棒,都會好開心。」

(即時娛樂)

相關字詞﹕梁詠琪 紅館 《梁詠琪 時間遇上我們》演唱會