鄭伊健最近在紅館舉行演唱會，今晚（23日）舉行第5場，過去4場有不少圈中藝人捧場睇騷，包括馬國明和女友湯洛雯﹑吳若希和老公﹑林盛斌（Bob）﹑衛志豪等，他們在後台跟伊健集郵。吳若希原來是伊健粉絲，她在社交網貼出合照時寫道：「由2011年開始睇鄭伊健It's beautiful day演唱會，到今年應該係我第四次睇！每次都好享受～然後、終於、到今日...影到我第一張正正經經嘅合照~~ 開心仔！」
Bob曬出和伊健合照，並搞笑寫道：「講真，如果我有佢呢個髮型，我條演藝路就唔使咁難行啦！今（昨）晚直頭好似唱咗成晚卡拉OK咁，多謝你，好美好嘅回憶，伊健哥哥。」
馬國明亦和女友湯洛雯（靚湯）前晚拍拖睇騷，2人也跟伊健合照，馬國明還以伊健歌曲冧女友：「准我一生也愛你一個。」甜到漏呢﹗
