鄭伊健昨晚（23日）舉行第5場紅館演唱會，獲蔡一智、NowhereBoys主音Van、周秀娜、林德信、ERROR成員梁業（肥仔）與何啟華（阿Dee）及郭嘉駿（193）、陳毅燊（ANSONBEAN）、譚旻萱、劉沛蘅等圈中人捧場。伊健現身舞台勁歌熱舞，亦獻唱大量經典慢歌。他感謝新加坡、日本的歌迷拉隊來港捧場。
安歌時，伊健感謝現場歌迷的熱情，他又同時多謝ERROR︰「我另外想多謝ERROR，點解要多謝佢哋？」話未說完，全場尖叫，觀眾席上的肥仔和阿Dee舉手向台上伊健膜拜，193又做出心心動作。
伊健續說︰「我上一次演唱會，返去減壓就係睇你哋嘅ERROR遊。我知道今次得兩集，所以我未睇住，多謝，Thank You，多謝你哋畀我哋歡樂。仲有，我知你哋開演唱會，我知㗎，加油啦！」ERROR 3子起身向伊健鞠躬，全場歡呼。伊健笑言要學習ERROR的自肥精神，挑選心水的滄海遺珠表演，娛人娛己。
