今年於港大建築系畢業的林愷鈴（Ashley），拍攝ViuTV原創劇《繩角》時正值趕畢業論文，拍劇要同時兼顧學業，因此要把握未埋位的時間做功課。她說︰「我平時唔會嘅，但係呢排係final，唯有喺中間偷少少時間做功課。我之前覺得自己會兼顧到，但原來拍攝時間比想像中長，所以都要辛苦啲。好彩工作人員好專業、好幫忙，所以我都輕鬆好多。」
Ashley放飯時仍要Zoom上堂，江𤒹生（AK）見狀笑稱她為「小演員」︰「佢應該同《季前賽》啲小演員一齊交流吓心得，聽講有好多小演員，例如做姜濤細佬嗰個小演員都要一路拍劇一路上堂。我覺得同『小演員』拍感情戲，有種犯法感覺。我同佢尷尬嘅moment已經過咗，因為拍之前完全唔認識大家嘅，點知一齊拍嘅第一場戲就係我要沖完涼冇著衫喺佢面前，嗰一日真係好尷尬，依家熟咗就好啲啦﹗」
Ashley與AK合作得很開心，亦覺得過程好玩。她自言平時的角色比較文靜，希望將來有機會嘗試「打女」角色。Ashley說︰「見到佢哋個個都操到好弗，真係好似拳擊手咁。好佩服大家咁辛苦操身形，真係好有毅力。」AK更會與首次推出廣東歌的Ashley合唱劇集片尾曲《我們的相差》。
