著名作詞人黃偉文（Wyman）近年在英國生活，身在外地但依然活躍，不時為MIRROR、張天賦（MC）等樂壇新貴創作新歌歌詞。Wyman今日在社交平台上載與好友吳君如的合照，原來君如近日身在倫敦探望老友，打麻將敘舊。
Wyman說︰「昨夜倫敦，散水雀局：人生第一次叫坎坎糊，摸咗唔夠十隻牌就叫糊，一邊努力扮傾偈掩飾緊張...... 中途上家再打六同七萬都要忍住唔槓...... 之後再摸埋中同南暗槓......最後我上家吳君如打咗隻唔記得乜畀我下家食三番...... 如果佢唔出籠，下一隻牌我就自摸一萬...... 開牌之後發現，原來吳君如Keep咗我一對九萬一隻一萬...... 今次真係：『你做初一 我做十五 註定冤家 狹路聚頭』。老友，多謝來訪，感激陪伴，希望下次好快又見。#第三張係一開牌嘅樣 #已經係天生混一色底 #如果自摸一萬你數到幾多番」
君如留言︰「你唔講畀人聽吓你贏咗幾多底？」Wyman說︰「打咗四圈，贏咗四底之嘛。」
