森美日前以代言人身分到銅鑼灣出席加密貨幣兌換平台的抽獎活動，他表示近年熱愛做運動，一星期打兩日籃球及保齡球，養成健康的習慣：「依家年紀大了，要不停Keep住做運動，一停低就會暴脹。如果逼到老婆一齊做運動就最好，大家都Keep住年青，自己都舒服點。」
近期防疫措施放寬，好多商場活動復辦，森美笑言要「跑數」：「過去大半年都冇乜活動做主持，去到年尾放寬先叫多點，趁年尾大家出來慶祝聖誕節，我都想一日做足幾場跑吓數，但不知體能捱不捱到。」
談到世界盃，森美有睇波，讚兒子眼光獨到：「我會同阿仔講波經，他好早覺得阿根廷有冠軍相，早知聽他講買少少。」他透露想一家人去旅行，但要夾時間，他怕遲多幾年小朋友再長大，會同朋友去不會睬他，親子時間就買少見少。
