《Yahoo Asia Multiverse Buzz Awards 2022》頒獎典禮今晚（23日）假九展舉行，影帝古天樂（古仔）膺「年度風雲人物」，戴了口罩的古仔受訪說：「好開心得到呢個獎，證明努力冇白費，新年願望係身體健康，雖然疫情慢慢過去，但呢幾年大家防疫都好攰。父母年紀較大，自己都好小心。（出外旅行？）都考慮緊，因為發現身邊有朋友中完又中，自己都好小心。（驚到在家也戴口罩？）有時喺屋企咳一聲會戴口罩，都驚驚哋，始終跟家人同住，當然好難成日戴住口罩，總之健康為主。」
今年電影票房理想，會否慶祝？古仔說：「𠵱家拍緊新戲，農曆新年會搞春茗，大家開心。（出錢抽獎大家開心？）吓﹗又講錢？都係一個獎勵，一定會㗎喇，呢幾年好難得先一齊食飯。」
相關新聞：炎明熹膺「人氣票后」 跟COLLAR同獲組合獎：屬良性競爭
