《萬千星輝頒獎典禮2022》今晚（8日）舉行，一眾女星爭艷鬥麗，當中以王灝兒（JW）身穿的紅色超低胸及大露背吊帶裙最性感，其好友陳瀅就穿上白色樹葉形圖案晚裝現身。
罕有地那麼性感的JW說︰「我唔係成日好多機會可以著吓啲靚衫，試衫時見到呢條紅色裙，最初都唔敢著，但因為條裙真係幾靚，我好少機會著到，所以就著吓囉﹗」JW強調這條裙的性感程度已是其底線，她已做足安全措施。JW說︰「趁後生著，唔通再過多10年至著咩﹗趁後生，乜嘢都試吓。」被問到可有信心贏「最佳衣著獎」時，她說︰「冇，我淨係希望《痞子殿下》會贏......希望『飛躍（獎）』......我最希望係《痞子殿下》有獎﹗」提到好友陳瀅，JW大讚她一身打扮很靚，並透露兩人也曾討論穿什麼。
陳瀅不認為自己一身打扮較低調︰「我和造型師都希望今年穿得淺色啲，因為我上年頒獎禮同今年都著咗好多黑色。我想揀條公主裙，公主裙得嚟又有少少style，所以就揀咗今日呢條裙。」對於被指不及JW性感，她大讚JW︰「佢好靚呀﹗非常之靚，顯到佢好瘦，身材好好﹗」至於誰人較漂亮，陳瀅坦言︰「嗱，我就好想要嗰個『最佳衣著獎』，想冧莊﹗我每年對呢個獎都有信心。」
