鄧智堅憑《下流上車族》在今晚舉行的《萬千星輝頒獎典禮2022》上奪得「最佳男配角」，他受訪時說︰「冇諗過得獎，因為今年嘅男配角位位都係高手，甚至有幾位係前輩級、好犀利嘅演員。其實頭先見到自己入咗五強，我已經激動，第一次提名就有獎，真係好難得，估唔到。」被問到如何慶祝時，鄧智堅坦言未想到，但無論如何也會跟《下》台前幕後食飯聚一聚。
他坦言自知屬長跑型演員︰「能夠第一次提名男配角就攞到獎，係喜出望外，今次算係跑得快啲啦﹗（爆冷？）我相信係，真係好多都係前輩級，佢哋全部都做咗好多年，我梗係覺得自己係新仔，越級挑戰，所以頭先都話想同佢哋大家一齊合作。」
