昨晚（8日）《萬千星輝頒獎典禮2022》結束後，藝人都會在電視城門外，與守候粉絲慶祝，陳瀅獲逾20名粉絲舉燈牌支持，還送上自製「最靚女主角」獎項，獎項上還有陳瀅3隻愛犬，非常有心思。
陳瀅說：「我背後有好多疼惜我Fans，個個都攰，超級感激，唔知點報答佢哋，應承佢哋我繼續努力，最失望攞唔到『最佳衣著獎』，我覺得條裙幾好，係咪我出場太晏呀？其餘嗰啲獎本身冇乜信心，但最希望攞組合獎（最受歡迎電視拍檔獎），𠵱家攞到所以非常開心。」
同樣有份獲「最受歡迎電視拍檔獎」的張頴康，亦在Ig分享獲獎感言：「對獎項平常心，因為自知以後會一樣咁努力去演活每一個角色，今年角逐男配嘅前輩亦係我非常欣賞嘅演員，總結一年，只要『痞子殿下』令你O嘴過，鬧過，討論過，笑過，咁已經值得過！」
