甄子丹監製及主演的《天龍八部之喬峰傳》，昨晚（16日）於灣仔舉行慈善首映，除了呂良偉、張兆輝、王君馨等戲中演員出席，甄子丹太太汪詩詩亦有撐場，更大讚是她最喜歡的一套電影，動作戲感覺猶如看Marvel電影，子丹聞言開心說：「咁就好高分，老婆睇完《葉問》都只係話OK啦！佢真係覺得好睇，我直程好Surprise，簡直勝過一切，問我對票房有乜期待？最緊要老婆OK！」
甄子丹剛完成星馬宣傳該片返港，他表示當地觀眾反應熱烈，他說：「當地電影市場好似從來冇受疫情及經濟影響，幾萬人逼爆商場，熱情度好瘋狂，重拾當年香港首映熱鬧感覺，當地粉絲更叫我拍多啲戲。」
問他對票房可有信心？他說：「票房高當然好開心，人總有高高低低，每一分鐘都高就唔係人，首先搞好個口碑，我覺得拍好部戲，自然就會好，我有信心做一件事，只要有誠意、好努力、有激情及愛呢件事，就唔會差得去邊，多謝演員及幕後班底，真係搏晒命撐我。」
