無綫J2台節目《鋪鋪Poker》今晚（11日）請來楊千嬅現身，千嬅分享她與主持郭偉亮（Eric）的秘密，原來兩人同年同月同日生，是典型水瓶座性格，上周五（3號）生日齊齊踏入49歲。節目開始時，劉浩龍問千嬅最驚什麼物種，千嬅說︰「蛇蟲鼠蟻是基本驚，有毛滑潺潺、會郁有生命都驚。」她自爆老公丁子高叮囑她小心出牌︰「最初以為佢驚我輸，原來佢係唔想我輸得咁核突。」
牌局進行期間，Eric表示圈中有不少獅子座藝人，劉浩龍及丁子高均是最佳例子。他說︰「谷德昭都係，佢哋玩牌有一個特點，好少偷雞，開頭死都唔肯講畀我聽點解。後來佢哋解釋我聽，因為獅子座要面，好驚偷完雞衰咗個吓瘀呀﹗」千嬅表示嘮叨是獅子座人士的強項，她會用一招秘技對付老公。
談到去年萬聖節時為10歲兒子Torres佈置屋企，千嬅說︰「佢唔止儀式感重，仲鍾意扮鬼扮馬。佢好鍾意唱歌，仲睇晒《聲夢傳奇2》，識晒啲學員名，所以佢識Eric（《聲夢2》導師之一）。佢叫我問吓點樣參加。我話你唔好言之過早，10歲咋。佢唔知，以為係玩遊戲，唔明嗰樣嘢，唔明個壓力喺邊度。」千嬅又表示因丁子高愛吃，加上希望兒子可吃到自己親手煮的食物，因此近年已成為家中的廚娘。
