無綫劇《廉政狙擊》昨晚（21日）播出第2集，有份演出的蔡思貝的出場方式相當特別，飾演廉政公署調查主任黎曉山的思貝，熱血及正能量指數全線過籠，兼且天馬行空，經常激到拘謹又認真的洛子峰（黃宗澤飾）紮紮跳。
昨晚劇情講述曉山為了由原本的部門，調往廉政公署跟隨譚俊彥飾演的章耀祖，竟自導自演一條超騎呢見工片，見工片段中，曉山施展渾身解數，除了Rap住兼懶型自我介紹，又化身運動達人上山下海兼玩射擊，最後出動頌缽，相當無厘頭，子峰看完後頭都大埋。雖然性格像少了一根線，但曉山相當英勇，且身手不凡，昨晚臨尾勇救黎學勤一幕，揸槍眼神狠中有勁。
蔡思貝受訪時透露，劇中動作場面不算多，反而是負責緩和氣氛及搞笑：「啲劇情成日去到我度就會古怪咗，佢哋話我主要就係負責令觀眾放鬆，還有我的出現，就是要令到性格拘謹的洛子峰生命作出改變，希望大家鍾意。」
談到Rap住自我介紹幕後花絮，以及拍攝時是否很尷尬，她笑言：「因為導演要求我要Rap到懶有自信，但其實係要Rap得唔好，正所謂『認真做無聊事』，所以拍嘅時候要忍笑；還有介紹頌缽那個腔調，也特意是想令人看到噴飯，哈哈！所以這個是一個幾好玩的角色。」
