雲浩影（Cloud）日前獲邀赴法國巴黎，出席日本時尚設計品牌ISSEY MIYAKE（三宅一生），於巴黎舉行的2023/24秋冬系列時裝騷。這是她首次踏足時裝周，心情興奮，就連出發前傷腰痛楚都拋諸腦後，她希望自己也可以擁有一場，如這個時裝騷般令人震撼的音樂會。
這次的看騷造型，Cloud以一身黑色的春夏最新系列亮相。該設計採用一系列圓形褶皺為特色，靈感來自生命周期和重生。她說：「好多謝ISSEY MIYAKE邀請，今次係我人生第一次去巴黎，亦係第一次去時裝周見識，有機會睇ISSEY MIYAKE時裝秀，係難能可貴機會，感到好幸運。出發前我做咗啲功課，ISSEY MIYAKE嘅作品元素artistic（藝術的）、creative（創造力）和elegant（優雅的）。」
Cloud在時尚方面也有個人獨特魅力，她坦言非常珍惜這次出席時裝周機會，怎料出發前受傷，一度擔心影響行程。她說：「出發前我唔好彩扭傷腰，即刻去針灸，敷住藥上機。幸好到埗後好番好多，多謝身邊所有人協助令事情順利。一落機立即拍OOTD（當天穿著），室內和戶外都有，進行順利。」
翌日一早起身扮靚靚出席睇騷，她說：「避免塞車遲到，我早上7點開始整妝，到場後遇到好多街拍攝影師，被影咗好多相，佢哋喺Ig tag返我，影得好靚，好開心。現場有好多攝影師，閃光燈不停閃，有種行紅地氈感覺。入場後好緊張，見到好多靚人，大家都著得好靚，我個心有啲『小鹿蹦蹦跳』，開心嘅緊張，仲有啲忐忑，唔知自己點樣可以做得更好。」
因為門票有限，Cloud團隊未能全數入場，完場後她向沒有入場的隊友分享，講足成個車程。她說：「好震撼，好好睇，所有嘢都好和諧、協調和流暢。我好希望將來自己嘅演唱會，都會帶畀大家呢個感覺。今次巴黎之旅好開心和幸運，好感激我嘅人生有呢一頁。」
