鄭欣宜尾場演唱會3度落淚 5度安歌滿足粉絲 (16:44)

文章日期:2023年03月19日

鄭欣宜(Joyce)昨晚舉行尾場紅館演唱會,獲胡楓、羅蘭、關心妍與丈夫、盧慧敏(Amy Lo)、雲浩影(Cloud)、ERROR的梁業(肥仔)等捧場。Joyce在演唱會上三度落淚,她一開場勁歌熱舞後,看到全場的熱烈反應已眼濕濕。音樂總監何秉舜在台上以鋼琴伴奏Joyce演唱《你是什麼時候開始不愛我的?》和《恐懼蠶食心靈》時,台上升起一個「小房間」四邊落雨裝置,一對男女舞者在房內演繹情侶又愛又恨的激情。Joyce唱完後向前排觀眾說︰「你哋有冇灑到水?有冇覺得自己喺主題公園玩水上過山車咁刺激?」

談到今次演唱會的舞台燈光效果,Joyce說:「相隔9個月再開騷,我同公司講要不惜工本,大家睇吓台邊呢四條柱,叫做Ground Support,係英國口音,因為佢哋嚟自英國,好international同埋a little bit威水,好多外國歌手都會用呢種Ground Support,去做好靚嘅燈光效果,希望大家細心欣賞。至於坐喺柱邊朋友唔使擔心,我會行近你哋唱歌,當然老規矩係以歡呼聲決定我行去邊啦!」全場歡呼大叫「靚女」、「好索」,Joyce非常開心,做出心心手勢互動示愛。演唱會尾聲時,全場大合唱《女神》,Joyce忍不住眼淚。

尾場觀眾反應熱烈,完騷後不肯離場,Joyce五度安歌。她換上個唱主題Tee及牛仔褲出場,全場大合唱《擁抱愛》。她落台後再被觀眾召喚,戴着帽和毛巾再出場唱《兄弟》。Joyce表示這首歌是其初出道作品,很有紀念價值。第三度出場時,Joyce希望唱一首有度假感覺的歌,讓歌迷開開心心離場回家,於是唱出《懶人包》。不過,觀眾仍未肯回家,Joyce再出場唱《渺小》後,連樂手都離場。粉絲的熱情吶喊令Joyce第五度登場,她清唱《上心》後說:「真係無歌啦,真係要認真地拜拜,一係咁,我再次約定你哋!」然後向全場飛吻落台。

Joyce騷後受訪時,直言不捨舞台,因不夠喉兼抵受不住觀眾歡呼聲,所以數度上台,並有意舉行巡迴演唱會。雖然舞台因設計了4條大柱而放棄過千座位,她說︰「值得,最緊要大家睇得開心。見到觀眾冇戴口罩嘅開心表情,大合唱時都唱得鏗鏘,好感動,忍唔住喊。我唔係喊咗好多次,進步好多。」談到尾場沒嘉賓,Joyce笑道︰「鄭氏宗親會,嘉賓咪鄭欣宜囉﹗因為我想唱多啲,觀眾都想繼續安歌。」

Joyce指爸爸鄭少秋因不在港未能捧場,但有送上花籃及傳短訊鼓勵。她說前晚第2場因毛舜筠捧場而十分緊張︰「我好欣賞佢,初入行時曾經同佢一齊拍劇。佢第一次嚟睇我嘅紅館演唱會,我同自己講要用盡飲奶嘅力做好個騷。」被問到隱形花店老闆男友可有捧場時,Joyce表示︰「第一晚Do姐(鄭裕玲)做嘉賓時,我已答咗有拍拖,我同全場觀眾拍拖。總之愛我嘅人都有嚟支持,今日咁開心,唔講呢啲。」

(即時娛樂)

相關字詞﹕鄭欣宜