中年好聲音|10強激戰首回合 吳大強選錯歌陷入危機 (14:29)

文章日期:2023年03月23日

無綫《中年好聲音》將於周日(26日)晚播出第17集,進入10強激戰。首個回合出場序根據參賽者年齡由高至低排起,打頭陣出場的是吳大強(Bill哥哥)。以「療愈」見稱的Bill哥哥,是次搖曳台風歸位又唱又跳及大送心心,惟評審們不太受落。舒文指他欠變化︰「成件事最要好啲係La La La嗰段,因為La擺得太低,變咗好似好慢好悶咁。」周國豐指Bill哥哥關鍵失分是「一個頂幾個」,並笑言應該請4名兒子助陣。他說︰「一個人頂晒呼吸方面會出現難題,不如你搵埋你嗰4個仔喺後面幫手,佢哋唔唱,淨係La La La同幫手跳舞,畫面都肯定好正。」

除了Bill哥哥,另外3位人氣選手顏志恒、林鉫徫及周吉佩亦先後出狀况。以勵志腔獻唱《擇星》的顏志恒想以歌詞「星遠望似高,卻未算高,我定能摘到」強調勇敢追夢的心,卻在編曲時未有留意歌詞中的故事性而滑鐵盧。周國豐說︰「唔可以隨便改結構,影響咗故事性,帶唔出應有嘅Message。」伍仲衡表示︰「你有時改咗啲Phrasing好怪,又唔會令我覺得好聽咗。」肥媽更直指顏志恒咬字有問題。自彈自唱、Rock爆上陣的周吉佩因選錯Key失卻不少分,更遭舒文要求即場升一度重唱一段。

林鉫徫改以甜美風獻唱《問我》,肥媽卻不受落︰「首歌真係唔係你,我都要望吓你係咪搞錯咗。嚟到10強唔好玩咁多嘢,你仲要再吊起咗把聲,問我乜乜乜,邊度好聽啫。你要有你自己,聽到我毛管都戥埋。」肥媽突然歌癮大發,除模仿林鉫徫以嬌俏腔唱了數句《問我》,還臨場加演數白欖版。舒文說︰「好彩肥媽你頭先扮嗰個聲唱兩句咋,你唱多一句,我動殺機㗎喇﹗」

(即時娛樂)