周星馳（星爺）去年10月在Instagram開設社交帳戶，短短半年已吸99.7萬粉絲，追蹤者人數直逼百萬大關。星爺昨天（12日）發文表示︰「有望達到1,000,000粉絲之際，來個AMA答謝大家，各位可在評論區向我提出任何問題，小弟會從中挑選作回答。」
不少圈中人立即留言，傅嘉莉問︰「咁梗係最想請問星爺演喜劇的要訣是什麼？ 點解可以咁多年睇咁多次都仲係咁好笑？因為有時諗到啲橋，但再做，都好似冇第一次咁好笑，但係點解你可以做出嚟咁好笑？」吳若希趁機自薦︰「點解你啲女主角全部都未結婚？人妻可唔可以演喜劇㗎？」岑珈其說︰「星爺仲會唔會同人影合照？定係已經變咗賭神？」
歐陽巧瑩問︰「經歷咗咁多，你有冇氣餒過，有冇對電影失去過信心，如果有，你係點克服？如果冇，你係點樣做到？同老公講開點解周星馳咁唔鍾意答問題，依家竟然主動叫人問問題～其實你期望啲人問你乜呢？」張振朗就無厘頭說︰「想問吓你着幾多號鞋？」有網民對他笑言︰「大佬你啲問題真係好正啊﹗」
