「第四十一屆香港電影金像獎」今晚於尖沙嘴香港文化中心舉行，劉青雲憑《神探大戰》撼贏麥沛東、楊偉倫、黃秋生、張繼聰奪得「最佳男主角」，成為今屆出爐香港電影金像獎影帝。
第3次登上金像獎影帝寶座的劉青雲說︰「我要多謝我自己嘅團隊以及我太太，佢哋其實成日都見到神探，即係唔係呢套戲入面。佢哋用咗超乎一般人能夠忍受嘅能力，佢哋其實可以每一日接受一次核爆。如果，如果大家真係有夢想，又肯努力嘅話，而且又夠長命，你嘅夢想有一日會好奇怪地又帶點遺憾咁實現。不過，唔緊要，世事豈可盡如人意，我好多謝鏡頭面前嘅你，我亦都好多謝所有熱愛香港電影、熱愛香港嘅朋友，掌聲又好，噓聲又好，我都接受，因為總好過冇聲，多謝﹗」
