英華女學校出品、導演張婉婷執導的《給十九歲的我》，在今晚「第四十一屆香港電影金像獎」中奪得「最佳電影」。金像獎協會主席爾冬陞於頒獎禮後受訪，強調《十九歲》得獎，協會沒有任何立場和看法。他說︰「董事局一直強調，我哋係一個為業界、為電影圈服務嘅機構，我哋對每年香港電影拍幾多部、拍乜嘢題材，點樣發行，完全唔關我哋事。佢只要拍咗出嚟，按照規則，我哋就提供服務。佢如果攞到票數就入圍，第二輪選咗佢，攞到票就贏。」
爾冬陞表示金像獎是一個業內獎項、一個工業獎，是否小圈子要視乎觀點與角度。對於金像獎這次被捲入《十九歲》的紛爭，爾冬陞表示董事局花了很長時間處理，最後一致認為不行使取消被提名資格的權力，相信第二輪投票人有智慧處理這件事。他說︰「有好多紛爭，覺得金像獎乜咁惡㗎，退出都唔可以。我由第一日已經知道呢件事係唔會有一個方法令到大家都認同，依家出到嚟呢個結果證實到係投票人嘅意願。作為協會，我哋係冇立場，結果已經喺度，所有結果都唔係我哋可以左右。」
