周吉佩在今晚《中年好聲音登峯之戰》奪冠，成為首屆《中年好聲音》冠軍。他受訪時說︰「心情仲係好激動，好似發緊夢，冇諗過，今晚真係喜出望外。第1首歌見到自己有91分，真係傻咗，對自己多咗少少信心。」對於被指爆冷，周吉佩也認同︰「我覺得我哋6個都好犀利，李佳都係大熱門。不過，我覺得唔使諗邊個勁，我不斷催眠自己，同自己講今次係嚟表演。我上一場已經諗住輸，突然間一個鹹魚翻生。我今日係用輸嘅心情去玩。」
談到有網民認為冠軍應該是李佳，周吉佩認為賽果總有人滿意或不滿意︰「我之前嘅表現連我自己都覺得過唔到，網民對我有呢個諗法好合理。不過，我冇諗咁多，一直調整自己嘅心情，希望可以喺今晚保持番自己應該有嘅水準，因為我知道自己之前失準。網民嘅意見，我好明白，會慢慢做番好一步一步證明畀大家睇。」
至於如何報答太太一直以來的支持，他表示會和太太去酒店度假兩天。被問到會否再入行時，周吉佩說︰「睇吓公司有咩新節目安排畀我去嘗試，依家乜嘢工作都會嘗試。如有機會畀到我，我一定會再入行，畀大家睇到我呢10幾年嘅進步。」
