馬時亨‧香港情|薛家燕1967年出國片段曝光 數百粉絲送機勁墟冚 (12:17)

文章日期:2023年04月30日

由馬時亨主持的節目《馬時亨 香港情》昨晚(29日)播出第2集,嘉賓是薛家燕和黎耀祥,2人與馬時亨暢談昔日與「交通」有關趣事,以自身經歷見證香港交通史變遷,並大讚香港交通一日千里。根據節目內容,原來家燕姐1979年為地鐵通車拍攝廣告的酬勞是3000港元,翻查資料當年市區一個400呎單位,售價約為20多萬港元,難怪馬時亨與黎耀祥驚歎家燕姐酬勞豐厚。 

8歲開始童星生涯的家燕姐見識廣博,單是關於「交通」趣聞已俯拾皆是,家燕姐透露陳寶珠是當年「七公主」中,坐得最多「嘩啦嘩啦」的成員:「當時應已有渡海小輪,但去到半夜就冇得搭,咁就要坐『嘩啦嘩啦』過海。嗰時寶珠姐住香港,我哋片場好多喺九龍,所以收工只要一過咗12點,佢就要趕去搭『嘩啦嘩啦』,佢仲話:『好似3元定唔知5蚊一個人』。」馬時亨聞言即大嘆「好貴」。

家燕姐又指當年就算身穿盛裝,仍會選擇坐渡海小輪過海,並笑言是等閒事:「嗰時每年有個叫『十大明星』嘅頒獎典禮,我哋個個就盛裝坐小輪過去大會堂攞獎,好多影迷跟住。」家燕姐透露當年很享受看海,但切忌拿出相機拍照,否則場面一發不可收拾:「嗰時有少少名氣啦,你出嚟一影相,就成段路程都係咁影相㗎喇。」

談到昔日墟冚場面,家燕姐笑言最難忘是坐飛機出國:「嗰個年代唔係咁多人有飛機坐,嗰時出外登台有幾百個Fans送機,仲拍埋新聞片,上埋架飛機揮手講bye bye,你話幾巴閉。」

家燕姐還向製作組提供自己1967年坐飛機出國盛况片段,大批粉絲送機,戴著黑超的家燕姐,向在場粉絲打招呼之餘,又近距離握手,相當親民。當年家住鑽石山的家燕姐,又分享了與「飛機」超近距離接觸的趣事:「啟德(機場)得一條跑道,佢哋降落時係要褪過去大磡村,轉番轉頭先出番去啟德機場,嗰時係要block晒啲位,唔畀行人同行車。」

(即時娛樂)

 

相關字詞﹕馬時亨‧香港情 馬時亨 薛家燕 黎耀祥