張敬軒今年首支派台作品《隱形遊樂場》由他本人作曲，好友黃偉文填詞，歌曲推出至今11天，MV點擊除了達150萬外，更連續10天登上熱門音樂影片首位。此外，歌曲亦高踞各大音樂串流平台包括榜首位置。
對於歌曲獲得佳績，軒仔感恩表示：「因為都差唔多成年冇出歌，加上呢首歌除咗係自己作曲，喺MV部分亦都參與咗好多，真係可以話係嘔心瀝血，見到𠵱家呢個成績，好感恩，希望首歌之後會有更加好嘅表現。」
對於歌迷紛紛疑問軒仔為何未有現身MV，軒仔解釋有驚喜給大家：「因為有第2首MV囉，我哋今次決定派唔同Version，好似打機咁，希望支持我哋到某一個數嘅時候，成就解鎖，就會有一個新版嘅MV釋出，都可以預告一下，第二個MV會見到我，同埋Full Cast嘅畫面，嚟緊好快就睇到喇。」
