ViuTV音樂頒獎禮《CHILL CLUB推介榜 年度推介22/23》今晚（7日）在亞博舉行，Dear Jane憑《到底發生過什麼事》獲得「CHILL CLUB年度搖滾歌曲獎」，MC張天賦憑《小心地滑》膺「CHILL CLUB年度另類歌曲獎」。
Dear Jane主音Tim說：「多謝所有投呢首歌一票嘅朋友，真係感激，好好嘅一個認同，我仔女都識唱呢首歌，好開心呢首歌陪到大家，多謝Wyman（黃偉文）及多謝粉絲，冇你哋冇我哋。」
MC獲獎時自爆剛去完廁所跑返座位，未唞順條氣，他上氣不接下氣說：「多謝作曲徐浩﹑多謝填詞Wyman，因為我認為好耐都未有一首好警世嘅歌，多謝佢好大膽肯堅持有呢個諗法。」
