ViuTV音樂頒獎禮《CHILL CLUB推介榜 年度推介22/23》今晚舉行，「年度男歌手」的金、銀、銅獎均由MIRROR成員奪得，金獎是連續兩年得獎的盧瀚霆（Anson Lo）、銀獎是姜濤、銅獎是陳卓賢（Ian）。
Ian台上多謝MIRROR、在音樂路上幫過他的人，以及一直支持他的朋友仔，稱這些支持是他用心做音樂的一大動力。姜濤除了多謝公司及粉絲外，亦逐一多謝MIRROR 11位兄弟，並罕有地公開對他們說出心底話。他談到Anson Lo時指稱知道外界常將他們比較、兩人的支持者又常起爭拗，但他公開對Anson Lo說：「I Love You」。
Anson Lo在台上說︰「好多謝每一位陪伴我行嘅所有觀眾、所有神徒，好多個晚上，其實自己都好大壓力，好怕會令到大家失望。我嘅工作好繁忙，又要犧牲好多嘢，但係有你哋繼續陪住我，我覺得好幸福。我想同爹哋媽咪講聲，對唔住，因為我近排比起以前更加少喺屋企食飯，知道你哋好擔心我嘅作息，我好多謝你哋嘅體諒。你哋今朝嘅message『We will always ready for you』真係好sweet﹗知道你哋睇到我拎呢個獎，我會令到你哋好自豪，所以好多謝你哋。最後要多謝MIRROR嘅每一位兄弟，啱啱姜濤講嘅外界紛爭、比較，我哋冇辦法去停止任何嘢，知道呢樣嘢係永遠一定存在，不過冇嘢阻擋到我哋12個一齊嘅力量，所以無論報紙點寫，無論網上任何一個留言點樣寫，我哋都只會一樣繼續努力，所以每一個唔真實嘅評語想去分化我哋12個人，我哋會繼續用我哋嘅表演同你哋講，我哋永遠都係MIRROR﹗」
