去年寓旅行於工作,在英國舉行小型音樂會的黃妍(Cath),未夠1年將再次踏足英國開騷,更會在倫敦及曼徹斯特舉行。
Cath去年底趁到英國旅行時,機緣巧合下獲邀在當地開騷,當時一票難求,倫敦一場入場人數更是爆滿。上次叫好叫座,未夠1年,Cath再獲邀到倫敦及曼徹斯特開騷,能夠在短時間內在英國開騷,Cath心情興奮,更說:「當地好多香港人都好熱切地想聽廣東歌嘅Live,所以見到大家咁熱情係好感動,今次再返去,自己都好期待!」今次場地變大,Cath未有壓力,她坦言最重要是心意,並說:「上次畀我嘅感覺好親切,今次再去其實有種探朋友感覺。」
今次Cath會將早前在香港舉行的《BLOOMING UNDERWATER音樂會》的演出帶到當地,她更透露屆時會為英國樂迷帶來驚喜,她說:「我嚟緊7月會出新碟,到時會率先唱少少新歌畀大家聽!」難得去到英國,Cath今次完騷後會四處逛逛,她表示:「近期嘅Trip都係工作加玩樂,所以開完騷都會去玩,上次唔夠時間未有去Borough Market,食嘢之外,仲會飲好多咖啡,希望唔好變肥啦!」