近日天氣持續高溫，天文台目前（4日中午12時19分）正發出酷熱天氣警告。林盛斌（Bob）化身人魚，在社交平台公開他浸在水池中的照片，為網民「降溫」。
其實他昨天（3日）已在社交網分享變身人魚Bob後浸在水中的背影照，故作神秘地留言︰「早排拍水上節目，喺泳池見到個鬼妹扮美人魚，認真，淨係睇個背脊，已經知道係極品嗰啲。其實我都偷拍咗佢個正面嘅，24小時內，夠一萬like，公開！」今日早上10時半，阿Bob公開其正面相及說︰「估唔到真係有一萬個like（跨平台），好啦，就滿足吓大家啦，收相。」
大批網民留言「冇喇冇喇，我嘅幻想破滅啊」、「太迷人」、「咁搞法我會對美人魚產生恐懼」。林建明（大姐明）笑言︰「救命呀！太令女了﹗」Youtuber司徒夾帶表示︰「迪士尼搵你做小魚仙應該冇咁多負評，起碼大家都知道係喜劇。」
