楊茜堯上個月曾在社交平台爆Seed，在Ig貼出大個憤怒emoji，並留言：「當感到憤怒和失望時，可以做啲乜嘢！！！#一次又一次 #講大話甩大牙 #我唔出聲唔代表我唔知 #唔好問我唔會答你。」隨即惹來她和老公羅子溢婚變揣測，及後楊茜堯急澄清是朋友問題，羅子溢事後透露太太的事入他數都好正常。
翻看楊茜堯的Ig，該「發嬲文」已被刪走，今天（6日）她分享美甲照片，相中楊茜堯戴帽及口罩，並曬出靚靚指甲，她寫道：「做咗媽咪先明白Me time嘅重要，幾忙都要扮下靚靚。#metime #私人專屬時間 #感到累就要看下手指甲，即刻醒晒。」
